Klassíkin okkar - heimur óperunnar

Í þriðja sinn bjóða Sinfóníuhljómsveit Íslands og Ríkisútvarpið til samkvæmisleiks undir yfirskriftinni Klassíkin okkar. Sjónum er beint að íslenskri tónlist í tilefni 100 ára fullveldisafmælis Íslands. Ríflega 40 tónverk eru kynnt en hlustendur geta kosið milli þeirra á vefnum undir slóðinni ruv.is/klassikin. Þar má líka bæta við hugmyndum að verkum sem hlustendum þykir vanta á listann en með kosningunni er hægt að hafa áhrif á efnisskrá tónleika sem Sinfóníuhljómsveit Íslands býður til 31. ágúst nk. Þar verður íslensk tónlist í forgrunni og fram koma einvala söngvarar og einleikarar með sveitinni ásamt hljómsveitarstjóra kvöldsins Daníel Bjarnasyni. Umsjónarmaður er Guðni Tómasson.